Сайн ч бай муу ч бай бүгд Учрал, Учирсан бүхэн завшаан
Урд төрлийн Ерөөлөөр энэ насандаа учирсан ч
Угтаж, түргэн тосож авалгүй завшаан бүхнийг өнгөрүүлэх дөхсөн
Учир нь олдохгүй Эрэлд өдийг хүртэл зүдрээсэнд
Уучлаарай намайг
Төрлөөс төрөл дамжсан хүсэл тань
Таны зүрхэнд сэрэх ухаарлаар ангадаг юм
Түүнээс эд баялаг, эрх мэдлээр биш
Та энэ насандаа дахиад төөрөлдөх гэж үү
Зовлонг гэтэлж, засаж барах үгүй
Зовлон үгүйг таньж бардаг юм шүү
Өөрөө түмэн зовлонгийн ёроолд байж
Өрөөлд Ерөөл талбиж чадна гэж үү
Өөрөө Эрэлчин байж
Өрөөлийг хаа хүртэл хөтлөх гээ вэ
Өөрөө асуулт, асуудлын далайд байж
Өрөөлд хэрхэн гэтлэхийг чиглүүлж чадна гэж үү
Өөрөө баян гэгдэх хоосны ирмэгт байж
Өрөөлд хэрхэн Халгиж Цалгихыг айлдана гэж үү
Магадгүй би
Танаас илүү
Тааллаа хүлээж, Бурхан буй эсэхэд бодол, сэтгэл нь
Тэмтчих хэн нэгэнд энэ агшинд илүү хэрэгтэй байх
Таны алтан цагийг үрж байгаад намайг уучлаарай
Чин Зүрх итгэвэл
Чин Сэтгэл хийгээд бусад нь хаа холдох вэ
Та нар бүгд гэгээнтнүүд болжээ
Тэмтрээгүй мэдлэг, мэтгэлцэхгүй сэдэв гэж үгүй болж
Гэгээнтэн болох үнэндээ амархан
Гишгэсэн мөрийг жоохон анзаарахад хангалттай
Ирсэн бол Буцах нь үнэн гэж цэцэрхэх
Ирсэн бол хаанаас, Буцах бол хаашаа талаар цэцэрхэх
Үнэмлэхүйд таниа үгүй хэн бүхэнд
Үнэндээ адилхан мөн амархан сэдэв
Өөрийгөө таньж мэдэхийг хүсэгч хэн бүхэнд зориулав.
Зүрхэндээ анирдахыг хичээгээрэй…
Эх сурвалж: Нийтийн Айлдвараас
